Uitslae word deur die rekenaar stelsel nagegaan en enige foute wat deur die Unie Wedvlugsekretaris se stelsel uitgewys word, of deur die Klubs self ontdek en na die Unie deurgegee word, sal onmiddelik deur die Unie Wedvlugsekretaris reggestel word. Die status van uitslae en punte wat op die webblad gepubliseer word, het egter steeds vir 7 dae vanaf publikasie ‘n status van “VOORLOPIG”.
Ten einde her-verwerkings van die publikasie op die webblad tot die minimum te beperk, word alle Wedvlugsekretarisse van Klubs versoek om onmiddelik na die bekendstelling van die naweek se uitslae op die uitslag groep, die inligting na te gaan en foute uit te wys sodat regstellings gedoen kan word nog voordat die data op die webblad gelaai word.